Тонау қылмысы ашылды

18.07.2019

2019 жылдың 14 шілдесі күні Өскемен қаласы Полиция басқармасының «102» арнасына 21 жасар қала тұрғыны хабарласып, кешкі сағат 18.30 шамасында «Даниэль» сауда үйінің жанында бір ер адам мен әйел адамның одан ұялы телефонын тартып алып кеткені жайында жеткізеді.

Оқиға орнына дереу жеткен сол маңдағы «Бекет-6» стационарлық посты инспекторлары полиция аға лейтенанты Нұрсеитов Ельдар мен лейтенант Түсіпов Дарханның сауатты қимылдары нәтижесінде күдіктілер қолға түседі. Телефонды тартып алған тонаушылардың жақын маңдағы сауда үйіне кіріп, тапқан олжаларын сатып жібермек болған әрекеттері іске аспай қалады. Ізі суымай ашылған қылмыс әшкереленіп, тоналған айғақ зат тәркіленіп алынады. Қазіргі таңда күдіктілерге қатысты ҚР ҚК 191 бабының 1 бөлімі бойынша сотқа дейінгі тергеу амалдары басталып кетті.