ШҚО бокстан ашық республикалық турнир өтуде

Сайысқа 2003-2004 ж.т. жасөспірімдер қатысуда. Осымен жетінші жыл қатарынан қолға алынған шарада облыс мен қалаларымыздан бөлек, өзге елдердің өкілдері де қабілеттерін байқауда. Айта кетейік, турнирдің ашылу салтанына аймақ басшысы Даниал Ахмметов қатысып, Төлеутай Сүлейменовтың осы уақытқа дейін мемлекеттің көркеюіне сүбелі үлес қосқандығын тілге тиек етті. Одан бөлек, жарыстың ашылуына ШҚО дене шынықтыру және спорт басқармасының басшысы Асқар Можанов та қатысып, боксшыларға сәттілік тіледі.

Бұл жолы жүлделі орындарды сарапқа салуға Ресей, Өзбектстан, Қырғызстан және Тәжікстан елдерінен де келген екен. Барлығы 15 салмақ дәрежесінде ұзын саны 197 спортшы жарыс жолына шықты. Ұйымдастырушылардың айтуынша, осындай додалардан болашақ спорт саңлақтарының томағасы шешіледі. Одан бөлек, биыл қатысушылар  да едәуір көбейген екен.

Естеріңізге сала кетейік, Төлеутай Сүлейменов еліміздің алғашқы сыртқы істер министрі (1991-1994 ж.ж), мемлекет қайраткері, дипломат болып, «Құрмет» орденімен марапатталған.

Бүгін финалық жекпе-жектер өтуде. Жеңімпаздар мен жүлдегерлерге Төлеутай Ысқақұлы тағайындаған бағалы сыйлықтар табыс етілмек.