ТЖК кезекті отырысында өрт қауіпті кезеңнің қорытындылары мен қысқа дайындық талқыланды

ШҚО ТЖД мамандарының деректері бойынша облыс аумағында орман өрттерінің саны 50,7% - ға артып, 217 жағдайды құрады. Өртпен жойылған орман алқабы 4699,01 га-ға жетті, облыс аумағында 4290 га ауданда 7 дала өрті және жалпы ауданы 11161,441 га 513 жану тіркелді.

Өрт орман қорының жерлері мен елді мекендерге ауысқан кезде ауыл шаруашылығы мақсатындағы жерлерде құрғақ шөптің бақылаусыз қалуы жыл сайын туындап отыратын негізгі проблемаға айналды. Сондай-ақ, жағдай қорғаныш минералданған жолақтардың болмауымен немесе олардың уақтылы жаңартылмауымен күрделене түседі.

Департамент өрт қауіпсіздігін қамтамасыз ету мақсатында азаматтық қорғау күштері, жергілікті полиция қызметі, орман мекемелері мен жергілікті атқарушы органдар қатарынан жалпы саны 432 адамнан тұратын 70 бірлескен мобильді топ құрды. Мобильді топтар 601 рейдтік іс-шара өткізді. Нәтижесінде өрт қауіпсіздігі талаптарын бұзған 135 адам анықталды.

Онлайн кездесудің екінші тақырыбы өңірдің қатал қысқы жағдайына дайындығы төңірегінде өрбіді. ШҚО-да жыл сайын бұрқасын қардың жолдарды бөгеп отыруына байланысты қолайсыз жағдай тудырады. Өткен жылдың қыс мезгілінде облыс жолдары 273 рет жабылды. Қар құрсауынан 275 адам құтқарылды, 1168 адам эвакуацияланды, қар құрсауынан 811 бірлік техника шығарылды.

Сондай-ақ Шығыс Қазақстан аумағында 497 қар көшкініне қарсы бөгеттер орналасқан, оның ішінде 336 ошақ объектілер мен адамдардың өміріне қауіп төндіреді. Автожолдар бойындағы көшкін қаупі бар ошақтар аса қауіпті болып табылады, 105 км автожол қар көшкінінің әсеріне ұшырауы мүмкін. "Қазселденқорғау" ШҚ филиалының қызметкерлері қар көшкінінің алдын алу жұмыстарын жүргізіп отырады.

Облыс аумағындағы қысқы кезеңдегі төтенше жағдайларға жедел ден қою үшін жеке құрамнан 2273 адам және 1100 бірлік техника, оның ішінде автомобиль жолдарына қызмет көрсететін 756 бірлік жол техникасы күштері мен құралдары дайындыққа келтірілді. ШҚО ТЖД жарағында 155 бірлік жоғары өтімді техника бар, олар қар неғұрлым қалың түсетін аудандарда орналасқан.

Жол қызметтері ұзындығы 495 км қар басатын 314 учаскені және жол жабылған жағдайда полиция департаментінің жылжымалы бекеттерін орналастыратын 101 орнын анықтады. Барлық учаскелерге картографиялық материалдар әзірленді. Облыс жолдарында 19 жылыту және 4 трассалық медициналық - құтқару пункті жұмыс істейді.

Қар басатын жол учаскелерінде ұзындығы 20 676 погонды метр тұрақты қар ұстайтын қалқандар орнатылған.

Қазіргі уақытта инертті материалдарды дайындау жалғасуда, көктайғаққа қарсы 12 946 тонна материал дайындалды.