2018 жылдың 28 қыркүйекте сағат 11-00-де Бабровка ауылында «Нұртау» демалыс орнында қарттар күніне арналған мерекелік іс-шара өтеді.

28.09.2018

Аталған іс-шараға қаланың қоғамдық өміріне белсенді қатысушылар – еңбек қайреткерлері, тыл еңбеккерлері, құрметті азаматтар, көпбалалы аналар және зейнеткерлер шақырылды (барлығы 70 кісі).

Мерекелік іс-шара барысында Шығыс Қазақстан облысы ардагерлер кеңесінің төрағасы А.С. Шерубаев және Өскемен қаласы әкімінің орынбасары О.А. Булавкинаның құттықтау сөздері айтылады.

Облыстық филармония және қаланың балалар шығармашылық хореографиялық ұжымдарының әртістері музыкалық нөмірлерін сыйға тартады.