Арнайы мониторинг тобының мүшесі бірқатар мемлекеттік орган қызметіне бақылау жүргізді

Атап айтар болсақ, Қарақия ауданының әкімдігіне, Қарақия кәсіптік колледжіне, аудандық орталық ауруханасына, аудандық халыққа қызмет көрсету орталығана, сондай-ақ, Жаңаөзен қаласының әкімдігіне, «Азаматтарға арналған үкімет» МК КЕ АҚ-ның Маңғыстау облысы бойынша филиалының Халыққа қызмет көрсету бойынша Жаңаөзен қалалық бөлмшесіне, қалалық ішкі істер басқармасының көші-қон қызметі бөліміне және орталық ауруханасына барып басшыларымен кездесіп, атқарып жатқан қызметтерінің сапасын бақылады. 

Бақылау барысында Р.Гасанов басшыларға Елбасының кезекті халыққа арнаған жолдауына сәйкес мемлекеттік қызметшілер мен халық арасында тығыз байланыс орнату, әкімшілік кедергілерді болдырмау, мемлекеттік қызмет түрлерін электронды нұсқада алу, цифрландыруды және кедергісіз ортаны мониторингілеу мақсатында қала, аудан көлемінде көрсетілетін қызметтердің халыққа қолжетімді және ашық болуын атап өтті.
Өз кезегінде, мемлекеттік орган басшылары халыққа қажетті қызметтерді цифрландыру бойынша жұмыстарды және ашықтықты қамтамасыз етуге барлық жағдай жасалатынын жеткізді.
Бақылау барысында Р.Гасанов мекеме басшыларына қызмет сапасын арттыру мақсатында бірқатар ұсыныстар айтып, өз ойымен бөлісті.