«Елін сүйген-Елбасы»

06.12.2018

Мектеп жасына дейінгі балаларға «Тұңғыш президент» мерекесі жайлы айта отырып, елбасының жасаған еңбектері жайлы жалпы ұғым беру, Отанға, елбасына деген патриоттық, адамгершілік сезімдерін арттыру.

29-30.11.18 ж аралығында №6 «Күншуақ» балабақшасында ҚР бірінші тұңғыш Президенті күніне арналған ертеңгіліктер өтті.

Балалар педагогтармен бірлесе отырып, қолдарын кеуделеріне қойып, мақтанышпен бастарын көтере отырып, ҚР-ның әнұранын шырқады, мәнерлеп тақпақтарын айтып, және патриоттық әндерін орындады.

Бұл балаларда, ең алдымен, бір-біріне деген өзара сыйластық пен махаббатқа, өзінің тәрбиешісіне, балабақшасына, ата-анасына және де өз туған өлкесіне деген сүйіспеншілікке тәрбиелейді. Мерекеге тәрбиешілермен бірлесе отырып тақпақтарды жаттатқызып, «Тәуелсіздік», «Елбасы», «Отан» сөздерінің ұғымдарын түсіндіріп, мерекелік шараны ұйымдастыруға септігін тигізген ата-аналар қатысты. Балалар «Елбасы», «Отан» дегеніміз не және ҚР рәміздерінің мағынасы жайлы алғашқы білімдерін осы балабақша табалдырығынан бастап үйренеді. Бұл ең алғашқы патриоттық-адамгершілік сезімдерін қалыптастыруға өте зор ықпалын тигізеді.