Полиция қызметкері қызметтен тыс уақытында тонаушыны құрықтады

06.12.2018

2 желтоқсан күні 17:30 сағат шамасында Қазақстан көшесінде Өскемен қ. Полиция басқармасы Жол-патрульдік полиция батальонының инспекторы полиция кіші лейтенанты Қасымжанов Рүстем тонау әрекетінің жолын кесті.

Күнделікті қызметтен кейінгі демалыс күнінде полиция кіші лейтенанты құлағына кенеттен айналасынан көмек сұрап айқайлаған әйел адамның дауысы шалынды. Дауыс шыққан №94 үйіне жаққа жан ұшыра жүгірген оның көзіне орта жастағы әйел адамның қолындағы сөмкесіне жармасқан жас жігіт түседі. Қолындағы сөмкесін бермеуге тырысқанымен, құқық бұзушы күшпен тартып алмақ.

Көмекке жүгірген тәртіп сақшысын байқаған тонаушы қаша жөнеледі. Рүстем Қасымжанов қашуға бекінген күдіктіні еш қиындықсыз қуып жетіп, қолға түсіреді. Дереу «102» арнасына хабарласып, жақын жердегі экипаж қызметкерлеріне тапсырады.
Тонауға әрекет еткені үшін күдіктіге қатысты сотқа дейінгі тергеу амалдары жүргізілуде