«Қазақстан Республикасының Ұлттық Банкі» РММ Шығыс Қазақстан филиалы көрсететін мемлекеттік қызметтер туралы

Қазіргі уақытта Қазақстан Республикасы Ұлттық Банкінің Шығыс Қазақстан филиалы мемлекеттік қызмет көрсетулердің келесі түрлерін атқарады:

• уәкілетті ұйымдарға қолма-қол шетел валютасымен айырбастау операцияларын ұйымдастыру бойынша қызметті жүзеге асыруға лизензия беру;
• валюталық операцияны тіркеу;
• валюталық операция туралы немесе шетел банкінде банктік шот ашқаны жөнінде хабарламаны растау;
• микроқаржы ұйымдарын есептік тіркеу.
• коллекторлық агенттіктерді есептік тіркеу.

Қызмет алушы аталған қызметтерді алу үшін Мемлекеттік қызметтер стандарттары және Қазақстан Республикасы заңнамасымен регламенттелген өтінішпен және құжаттар пакетін қоса алып Ұлттық Банкінің Шығыс Қазақстан филиалына кезек күтпей және алдына ала жазылмастан жүгіне алады.

Мемлекеттік қызметтер тегін көрсетіледі, мыналарды қоспағанда:

• «Уәкілетті ұйымдарға қолма-қол шетел валютасымен айырбастау операцияларын ұйымдастыру бойынша қызметті жүзеге асыруға лицензиялар беру» қызмет көрсетуінен басқасы. Қызмет алушы осы қызметті көрсеткен кезде, лицензияны немесе оның телнұсқасын берген кезде 40 айлық есептік көрсеткіш (бұдан әрі – АЕК), лицензияны қайта ресімдеуге – лицензияны беру кезіндегі мөлшерлеменің 10 пайызы, бірақ 4 АЕК артық емес, қызметтің дербес түрімен шұғылдану құқығы үшін лицензия алымы төлейді.
• «Микроқаржы ұйымдарын есептік тіркеу». Осы мемлекеттік қызмет көрсету кезінде тіркеу алымының мөлшері 10 (он) АЕК құрайды.

«Валюталық операцияны тіркеу», «Валюталық операция туралы немесе шетел банкінде банктік шот ашу жөнінде хабарламаны растау» және «Коллекторлық агенттіктерді есептік тіркеу» мемлекеттік қызметтері қағаз нысанда көрсетіледі.

«Уәкілетті ұйымдарға қолма-қол шетел валютасымен айырбастау операцияларын ұйымдастыру бойынша қызметті жүзеге асыруға лицензия беру» және «Микроқаржы ұйымдарын есептік тіркеу» сияқты мемлекеттік қызметтерді көрсету қағаз жүзінде және электронды нысанда көрсетіледі. Қызмет алушы өз бетімен Интернет ресурс арқылы «Электронды үкімет» www.egov.kz. веб-порталы арқылы Ұлттық Банктің филиалына өтінішпен не болмаса «Шығыс Қазақстан бойынша «Үкімет азаматтар үшін» бейкоммерциялық акционерлік қоғам филиалы – халыққа қызмет көрсету орталығы» Департамент бөлімдері арқылы жүгінуіне болады.

Филиал ұсынған мемлекеттік қызметті бағалау үшін, қызмет алушыға қызметті уақытылы ұсыну, қызметті ұсыну процесінің сапасы, қызметті ұсыну үрдісінің қолжетімділігі, қызметті ұсыну тәртібі туралы ақпараттың қолжетімділігі және қызметкердің сыпайылығы көрсетілген «Қызмет алушының сұрау салу Карточкасын» толтыру ұсынылады.

Сонымен қатар, www.nationalbank.kz интернет-ресурсында «Ұлттық Банктің мемлекеттік қызметтері» бөлімінің «Сауалнама. Қазақстан Республикасы Ұлттық Банкінің электронды/қағаз түрінде мемлекеттік көрсететілетін қызметтердің сапасы» шағын бөлімінде қызмет алушы оған көрсетілген мемлекеттік қызметтің сапасын бағалау мүмкіндігіне ие.

Мемлекеттік қызметтерді ұсыну тәртібі туралы сұрақтар туындаған жағдайда, қызмет алушы жұмыс күндері мына мекенжайлар бойынша сағат 9.00-ден 18.30-ға дейін (түскі үзіліс 13.00-ден 14.30-дейін) Ұлттық Банкінің Шығыс Қазақстан филиалына жүгінуіне болады:

• Өскемен қ., Қазақстан к., 3, 605, 607, 608, 705-бөлмелер (тел. 56-06-74, 56-06-75, 56-06-76, 56-06-72);
• Семей қ., Ұранхаев к., 57, Ұлттық Банкінің Шығыс Қазақстан филиалы бөлімшесі (60-10-50, 60-10-52, 60-10-53).