Уақыты келер, өзге адам боп оянармын...

Сотталғандар үшін бостандыққа шығу – негізгі мақсат. Бірақ жазасын өтеу барысында олардың көпшілігі күнделікті мәселелерді шешуде азат адам үшін қажетті өзіндік дербестіктен айырылады. Бұл ретте әр түрлі қызметтердің мамандары, қоғамдық ұйымдардың өкілдері көмекке келеді. Бірақ үшінші тарап ұйымдарының мамандары қандай қолдау көрсетсе де, әркім өз өмірі үшін өзі жауапты. Адамның ішкі қалауы ғана оның болашақ тағдырын өзгерте алады.

Не істеу керек, қайда бару керек? Жұмысты қайдан табуға болады? Бұл бостандыққа шыққан әрбір азаматтың өзіне қоятын негізгі сұрақтар.

Босатылғаннан кейін сотталғандардың екі жолы бар: қылмыс жасау және бас бостандығынан айыру орындарына оралу немесе бостандықта өмір сүру. Статистикаға сәйкес, қылмыстардың әрбір екінші қайталануы босатылғаннан кейінгі бірінші жыл ішінде орын алады, ал бұл бас бостандығынан айыру орындарынан босатылған азаматтардың әлеуметтік бейімделу кезеңі.

Сот шешімі заңды күшіне енгеннен кейін 10 күн ішінде сіз пробация қызметінің есебіне тұруыңыз керек. Пробация қызметінің инспекторы есепке қою кезінде Сіздің тұрғылықты жеріңізді, денсаулық жағдайыңызды, білім деңгейіңізді және еңбекпен қамтылуыңызды белгілейді және әлеуметтік-құқықтық көмек алу тәртібін түсіндіреді. Осыдан кейін сіз жергілікті атқарушы органдарға, атап айтқанда: ауылдық әкімдіктерге, халықты жұмыспен қамту орталықтарына, міндетті шартпен тіркелген жеріңіз бойынша жұмыспен қамту бөлімдеріне, тұрғылықты жеріңіз бойынша тіркелуге немесе әлеуметтік-құқықтық көмек алу үшін «Антарес А» қоғамдық қоры сияқты қоғамдық ұйымдарға жүгінесіз.

Мемлекет бостандыққа шыққан әрбір адамға жұмысқа орналасуға жәрдемдесу бойынша тегін қызметтер көрсетуге кепілдік береді.

Халықты жұмыспен қамту орталығының қызметкерлері сізге көрсетілетін қызметтер туралы ақпарат береді, атап айтқанда:

• Жұмыс іздеуші ретінде тіркелу
• Жұмыссыз тұлға ретінде тіркелу
• Қолайлы жұмыс орындарын табу және жұмысқа орналасуға жәрдемдесу
• Кәсіптік оқыту
• Кәсіби бағдар
• Әлеуметтік жұмыс орындары
• Қоғамдық жұмыстар
• Жастар тәжірибесі
• Шағын несиелеу бойынша кеңес
• Біржолғы ақшалай жәрдемақы
• Сізді құқықтық, психологиялық және өзге де консультациялар алу үшін қоғамдық бірлестіктерге және өзге де ұйымдарға, атап айтқанда «Антарес А» қоғамдық қорына жібереді.

Барлық қызметтер тегін ұсынылады.

Сіздің бостандық жолындағы жетістігіңіз әлеуметтік, кәсіби және психологиялық тұрақтылыққа қол жеткізу қабілетін қамтитын көпжақты процесс.

Егер сіздің мамандығыңыз бос орындар талап етілетін мамандыққа сай келмесе, сіздің қалауыңыз бойынша Сізді жаңа мамандықты тегін оқытуға немесе жұмысқа орналасуға мүмкіндік беретін біліктілікті арттыруға жіберуге болады.

ЗАҢДАРДЫ САҚТАҢЫЗ ЖӘНЕ ОТБАСЫҢЫЗБЕН ЖӘНЕ ЖАҚЫНДАРЫҢЫЗБЕН ЕРКІН ӨМІР СҮРІҢІЗ!